जीप दुर्घटना हुदा १ जनाको मृत्यु, ३ जना घाईते

हिक्मत बहादुर नेपाली
अछाम जेठ २४ ।
अछाममा जीप दुर्घटना हुदा १ जनाको मृत्यु भएको छ । थप ३ जना घाईते भएका छन । जिल्लाको सदरमुकाम मंगलसैन देखी कमलबजार नगरपालिका वडा नं ७ कवाल्लेखमा जादै गरेको से १ त ६१३ नम्बरको बोलेरो जीप पानेरीखोला नजिक ( शनिबार ) गए राति १० बजे तिर दुर्घटना भएको हो । दुर्घटनामा परि कमलबजार नगरपालिका वडा नं ७ कवाल्लेखका कर्ण प्रसाद भाटको जिल्ला अस्पताल मंगलसैन लैजादै गर्दा बाटोमै निधन भएको हो । घाईते ३ जना मध्ये सोही ठाँउका बद्री प्रसाद भाट र मिन भाट लाई थप उपचारका लागी सुर्खेत प्रादेशीक अस्पतालमा लगिएको छ । दुर्घटना पछी सवारी चालक सामान्य घाईते छन । गाडी चालक अछाम तुर्माखादका पुष्प बुढा र गाडी धनी अछाम मंगलसैनका डम्मर भाट लाई प्रहरीले नियन्त्रणमा लिएर घटनाको थप अनुसन्धान भईरहेको जिल्ला प्रहरी कार्यालय अछामका प्रवक्ता प्रहरी निरीक्षक केशव बहादुर खड्काले बताउनु भयो ।