छात्रालाई शिक्षा क्षेत्रमा प्रोत्साहन गर्ने उदेश्यले कलुदेवी खतिवडा स्मृती अक्षयकोष पुरस्कार वितरण

अछाम फाल्गुन २९ ।
कलुदेवी खतिवडा स्मृती अक्षयकोष पुरस्कार वितरण कार्यक्रम श्री जाल्पा देवी मावि ढाँकुमा आज सम्पन्न भएको छ । कमलबजार नगरपालिका वडा नं ७ जामाकी स्वर्गीय कलुदेवी खतिवडाको स्मृतीमा निजका छोरा शिव प्रसाद जैसीले २०७६ सालमा एक लाखको अक्षयकोष स्थापना गर्नु भएको थियो । छात्रालाई शिक्षा क्षेत्रमा प्रोत्साहन गर्ने उदेश्यले २०७६ देखी २०८१ सम्म प्रत्येक बर्ष विद्यालय बाट एसईई परीक्षामा सर्वोत्कृष्ट नतिजा ल्याउने छात्रा लाई जनही १० हजार नगद पुरस्कार वितरण गरिएको हो । अक्षयकोषका संस्थापक शिव प्रसाद जैसीको विशेष उपस्थितीमा ६ जना छात्रा लाई पुरस्कार वितरण गरिएको हो । संस्थापक जैसीले माद्यामिक तहको शिक्षा सोहि विद्यालय बाट आर्जन गर्नु भएको थियो । हाल उहाँ संस्कृती पर्यटन तथा नागरिक उड्डयन मन्त्रालय अन्तर्गत नेपाल माउन्टेन एकेडेमीका क्याम्पस प्रमुख समेत हुनुहुन्छ । साथै उहाँले लेखकको रुपमा परिचय स्थापीत गर्नु भएका छ । उहाँले लेख्नु भएका विभिन्न साहित्यिक कृती समेत प्रकाशन भएका छन ।
आजको पुरस्कार वितरण कार्यक्रममा २०७६ मा विद्यालय बाट एसईई परीक्षमा सर्वोत्कृष्ट नतिजा ल्याउने छात्रा मञ्जु बिष्ट, २०७७ मा सर्वोत्कृष्ट नतिजा ल्याउने भावना बिष्ट, २०७८ मा सर्वोत्कृष्ट नतिजा ल्याउने निर्मला बोहरा, २०७९ मा सर्वोत्कृष्ट नतिजा ल्याउने यसोदा ढकाल, २०८० मा सर्वोत्कृष्ट नतिजा ल्याउने , सपना बिष्ट र २०८१ को एसईई परीक्षमा सर्वोत्कृष्ट नतिजा ल्याउने छात्रा गरिमा बिष्ट लाई आज विद्यालयमा एक कार्यक्रमका विच नगद पुरस्कार तथा प्रमाणपत्र हस्तान्तण गरिएको हो । कार्यक्रमका प्रमुख अतिथी कमलबजार नगरपालिकाका नगर प्रमुख यज्ञ प्रसाद ढकाल बिशिष्ट अतिथी उपप्रमुख शारदा बिष्ट कुँवर विद्यालय व्यवस्थापन समितीका अथ्यक्ष प्रजा बहादुर बोगटी प्रधानाध्यापक जनक बहादुर भण्डारी लगायतले संयुक्त रुपमा नगद पुरस्कार तथा प्रमाणपत्र हस्तान्तण गर्नु भएको थियो । विद्यालयका शिक्षक विद्याथी समाजसेवी अभिभावक जनप्रतिनिधी पत्रकार लगायतको उपस्थितीमा भएको कार्यक्रमको संचालन शिक्षक विरेन्द्र भण्डारीले गर्नु भएको थियो ।