हिक्मत बहादुर नेपाली
अछाम बैशाख २४ ।
अछामको कमलबजार नगरपालिकामा हिजो बुधबार हाजिर हुनु भएका प्रमुख प्रशासकीय अधिकृत गणेश विक्रम शाहीको स्वागत तथा परिचयात्मक कार्यक्रम आज कमलबजार नगरपालिकाको सभाहलमा सम्पन्न भएको छ ।
कमलबजार नगरपालिकाका नगर प्रमख यज्ञ प्रसाद ढकालको अध्यक्षतामा भएको कार्यक्रममा नगर उपप्रमुख शारदा कुमारी बिष्ट पालिकाका विभिन्न वडाका वडा अध्यक्ष कार्यपालिका सदस्य, वडा सदस्य पालिकाका विभिन्न शाखामा कार्यरत कर्मचारी लगायतको सहभागीता रहेको थियो ।
कार्यक्रममा सम्पुर्ण वडा अध्यक्षको तर्फबाट कमलबजार नगरपालिका वडा नं ५ का वडा अध्यक्ष तथा पालिकाका प्रवक्ता सत्यराज तिमिल्सैनाले स्वागत तथा परिचयात्मक कार्यक्रममा बोल्दै २०७९ को निर्वाचित भएर आएपश्चात कार्यपालिकामा पटकपटक दरबन्दी अनुसारको प्रमुख प्रशासकीय अधिकृतको माग गरि पठाइएको भएता कार्यकाल सकिदै गर्दा भएपनी सरकारले प्रमुख प्रशासकीय अधिकृत शाही लाई खटाएर पठाएकोमा खुसी व्यक्त गर्नु भयो । साथैं पालिकामा यस अघिका अधुरा रहेका विभिन्न योजना तथा कार्यक्रमहरु अगाडी बढ्ने विश्वास व्यक्त गर्नु भयो ।
कार्यक्रममा बोल्दै उपप्रमुख शारदा कुमारी बिष्टले प्रशासकीय अधिकृत शाहीलाई स्वागत गर्नु भयो । पालिकामा हाजिर हुनु भएका प्रमुख प्रशासकीय अधिकृत शाहीले जनप्रतिनिधी संग समन्वय र सहकार्य गर्दै प्रशासनीक कार्य सम्पादन गर्नेमा विश्वास व्यक्त गर्नु भयो ।
प्रमुख प्रशासकीय अधिकृत शाहीले कार्यक्रममा बोल्दै यस अघि आफुले संगालेका अनुभव लाई आधार बनाएर पालिकामा सबै संग समन्वय र सहकार्य गरेर कार्य सम्पादन गर्ने बताउनु भयो । पालिकाको विकासमा सबै जनप्रतिनिधी कर्मचारी र आम नागरिक संग हातेमाले गरेर अघि बढ्ने बताउदै स्वागत कार्यक्रम गरि आफुलाई स्वागत गरेकोमा धन्यवाद व्यक्त गर्नु भयो ।
कार्यक्रमको समापन गर्दै कार्यक्रमका अध्यक्ष तथा पालिकाका प्रमुख यज्ञ प्रसाद ढकालले प्रशासकीय अधिकृतले देश निमार्णमा कुनै स्वार्थ र सर्त रहित काम गर्ने प्रतिवद्धता व्यक्त गरेकाले पालिकामा आगामी दिनमा समन्वय गरेर काम गर्न सहज हुने र प्रभावकारी रहने बताउनु भयो ।
पालिका अन्तरगत स्वास्थ्य शाखा प्रमुख बरिष्ठ जनस्वास्थ्य अधिकृत चक्र बहादुर बिष्टले स्वागत मन्तव्य राखेको कार्यक्रमको संचालन प्रशासन शाखामा कार्यरत अधिकृत पुर्ण प्रसाद बजगाईले गर्नु भएको थियो ।
हिक्मत नेपाली
हिक्मत नेपाली रेडियो केबीएम एफएम तथा केबीएमएफएम डट कमका प्रकाशक हुन्। उहाँले खोज–अनुसन्धान तथा समसामयिक विषयहरूमा निरन्तर कलम चलाउँछन् ।